Book on the Properties of Things: The Wolf

The transcription reads:

Du loup
et de ses proprietez .lxvii.
Loup sycomme dist Ysidore est
ainsy appellé pource que il a vertu
du lion et par especial en ses piez. Car
ce surquoy il marche fort ne vit point
aprez. Le loup est une beste qui vist
de rapine et qui tue ce qu'il treuve quant
il est bien enragié. Du loup dient les
gens de village que un homme pert sa
voix quant le loup est premierement
veu, il pert sa hardiesce et sa fierté. Les
loups en tout l'an ne sont en amours
que douze jours et quant ilz ont fain
ilz la portent moult longuement et
puis menguent moult et trop gloutement.