Letter: Advertisement for a Market

The transcription reads:

Hierumb bitten wir üch gar früntlich, ir
wöllen umb unsern willen uns gonnen und erlouben, sölich
märckt und gredhus in üwer statt offenlich ze rüffen und
ze offnen und den lüten ze verkünden uns dz nit versagen,
sonder tun, alz wir üch wol getrüwen, dz wellen wir mit
willen umb üch beschulden, und wellen ir üns sölichs
gonnen, dz wellen disem ünserm potten ze wissende tun,
damit er sölich märckt und gredhus wisse ze offnen. Ouch
bitten wir üch, mit üwern koufflüten zureden, sölich
märckt zusuchen und dz ir dahin zefüren, wz denn in dz
gredhus dem gredmaister geantwürt wirt, würde dez
ihtz verloren, versprechen wir, dz wider zekeren. Geben am
zinßtag nach sant Gallen tag, anno etc. 50.