Diploma

The transcription reads:

Wir Ludowig von gotes gnaden Romischer keyser ze allen ziten merer dez richs veriehen of-
fenlichen an disem brief, daz wir den wisen luten den burgern gemainlichen ze sant Gallen unsern
lieben getriwen diu gnade getan haben mit disem brief, daz si ein ungelt in der stat ze sant Gallen
uf setzen und daz inne haben und niezzen, als zitlich und gwonlich ist, an alle irrunge, und sol
diu gnade wern als lange biz an unser widerrueffen. Und dar uber ze einem urchuende geben wir in disen
brief mit unserm keyserlichem insigel versigelten. Der geben ist ze Uberlingen an suntag vor sant
Vites tag, da man zalt von Christes geburt driuzehen hundert iar, dar nah in dem vier und dreiz-
zigestim iar, in dem zwainzigestim iar unsers richs und in dem sibenten dez keysertumes.