Statutes of the Butcher’s Guild

The transcription reads:

Item die bratwürst söllend sy machen von schwininenn
braten unnd darunder hacken guot kalbelen unnd
jung ochsen mit kalber zenen unnd das am minsten
umm dry pfening geschetzt sye, unnd namlich unnder
acht pfund praten ain pfund speck tuon unnd nit
minder. Sy söllend och kain nieren, hertz noch halsflaisch
darin hacken. Sy söllend och kain flaisch dartzuo
nemen, es sye denn vor geschetzt. Wenn sy aber zuo ziten,
so sy des bedörffend, kalbeln oder ochsen flaisc mitt
kalber zenen nit finden mögend, so sollend sy kain
annder flaisch dann by der obristen schatzung dartzuo
nemen, ze buosß an X ß von yedem mal.