Private Charter: Sale of a Field

The transcription reads:

Alle die, die disen brief lesent oder hoerint lesen, dien tuon ich Goeswi
von Rebsten kunt und virgihe offenlich an disem brief, daz ich reht
und redelich han verkouft Jacob dem Hasen a dem Hardelin umbe vier und
drisic schilling Konstenzer ain halbe juokart achars, diu da lit im dem
Grunt under dem alten wingarten des spitals von sancte Gallen, und habe
dem selben Jacob den acher geluhen ze aim rehten lehen im und allen
sinen recten erben, si sient wip oder man, und also dich der selbe aker
ledic wirt, also dich so sol man den aker emphan mit zwain huenrin.